UYUMA

UYUMA

Aziz başın içün gece yar içün uyuma 
Uğurla leyli felekten şikar içün uyuma

Çün uyudun nice bin gece nefs hazzı içün 
Bir iki şeb ne olur yar-ı gar içün uyuma

Latif yar ki hergiz uyumaz anın ile 
Huzur edip geceler ol nigar içün uyuma

Helal olur mu ağır uyku hasta sahibine 
Terahhum eyle bu kalb-i figar içün uyuma

Hûda dedi ki benim aşıkım gece uyumaz 
Haya edersen eğer şeb o âr içün uyuma

işitmedin mi ki şeb kam alır kamu uşşak 
Bu aşk-ı padişeh-i kâm-kar içün uyuma

Hezar kerre dedim Hakkı Hakk'a gel geceler 
Yoğ olduğun bilesin ta o var içün uyuma

Erzurumlu İbrahim Hakkı Hazretleri